සමහර වෙලාවට සමහර හීන හැබෑ වෙන්න බොහෝ කාලයක් යන්වා.සමහරවිට ජීවිතේ හැම කෙනාටම පොදු කාලරාමුවක් යටතේ හැඩගැහෙන්නේ නැති වෙන්න පුලුවන්.ඔබ ජීවත් වෙන්න ඕනේ ඔබටම අයිති උන කාලරාමුවක් යටතේ ඒ කාල රාමුව තව කෙනෙක්ගේ කාල රාමුවකට වඩා වෙනස් වෙන්න පුලුවන්.ඒ වගේම ඔබ හැබෑ කරගන්න ඕනේ ඔබේ හීන ඒ හීන අනික් අයගේ හීන වලට වඩා වෙනස් වෙන්න පුලුවන්.සමහරු හිනා වෙයි ඔබම ප්රතික්ෂේප වෙන්නත් ඉඩ තියන්වා ඒත් ඒ ප්රතික්ෂේප වීම් අපහස කිරීම් හිනා වීම් හැමදේම මැදින් ඔබ ඔබේ ගමන යන්න දවසක ඔබව ප්රතික්ෂේප කරපු අයම ඔබට හිනා උන අපහස කරපු අයම ඔබව අගය කරාවී ඔබව ආදර්ශයට ගනීවී.මේ කියන්න යන කතාවේ කතා නායකයාටත් එහෙම ප්රතික්ෂේප වීම් තිබුනා සමහරවිට සමහරු හිනා වෙන්නත් ඇති නමුත් අද වෙද්දි ඔහු ඔහුගේ හීනය ඉටු කරගෙන හමාරයි.මුලු ලංකාවම දැනගෙන ඉවරයි ඔහුව.
ඔහු නමින් අනූජ් පූජිත ගුණවර්ධන.ඔහුගේ ගම් ප්රදේශය වෙන්නේ අම්පාර.ඔහු අම්පාර ගමිණී විදුහලෙන් 11 වසර දක්වා අධ්යාපනය හදාරා උසස් පෙල සදහා කොළොඹ අශෝක විද්යාලයට ඇතුළත් විය.උසස් පෙළ අවසන් කල ඔහු ඊළගට යොමු වෙන්නේ ඔහුට කුඩා කල සිට තිබූ සිහිනය සැබෑ කරගැනීමටයි.ඒ නම් ශ්රී ලංකා යුද්ධ හමුදාවට බැදීමටයි.නමුත් ඔහුගේ බර සහ පපුවේ ප්රමාණය ප්රමාණවත් නොවීම හේතුවෙන් ඔහුව ප්රතික්ෂේප විය.ඔහු දෙවෙනි වතාවටත් උත්සහ කරනවා.එතනදී ඔහුට කියනවා
"මේකට ඔයාව ගන්න බැහැ.ඔයා කලින් වතාවෙත් ආවා නේද.ආයේ එද්දි කාල බීල ඇග හදාගෙන එන්න."මෙතනදී ඔහු යම් තාක් දුරට කඩා වැටුනද නැවත ඔහු කාටත් හොරා CID යට අයදුම් කලේ ඔහුගේ සිහිනය අත් නොහැරිය නිසාමයි.නමුත් ඔහු ඒ වතාවේද ප්රතික්ෂේප වෙන්නේ ඔහුට දුකක් ඉතිරි කරමිනුයි.ඔහු ඉන් පසු මැද පෙරදිගට යනවා.එහිදී ඔහුගේ මිතුරෙක් ඇමරිකාවේ ග්රීන් කාඩ් එකට ඔහු වෙනුවෙන් අයදුම් කරන්වා.ඔහු ඇමරිකාවට යනවා එහි එක් අවස්තාවක ඇමරිකානු හමුදාවේ බදවා ගැනීම් වලට නිළධාරීන් පැමිණෙනවා.ඔහුව දැකල නිළධාරියෙක් අහනවා ඔබට හමුදාවට බැදෙන්න ආසා නැත්ද කියලා දෙවරක් නොසිතාම ඔහු ඔව් කියන්නේ ඔහුගෙ හීනය එදත් ජීවත් උන නිසාමයි.ඔහු කියනවා අවුරුදු 30ක් වෙද්දි වෙන අයට තියෙන හීනය ගෙයක් දොරක් හදාගෙන කසාදයක් බැදල ළමයෙක් හදන් ජීවත් වෙන්න නමුත් මට ඊට වඩා හීනයක් තිබ්බ බව ඔහු කියනවා.අද ඔහු ඔහුගේ හීනය සැබෑ කරගෙන.අද වන විට ප්රබලම ප්රහාරක යානාවක් වන අපාචි AH 64 D/E හී කාර්මික ශිල්පියෙක්.
ඔහු මේ ගමන යන්න ප්රධානම පෙළඹ වීම තමා සිහිනය අත් නොහැරීම තමන්ගේම කාල රාමුවක ජීවත් වීම.ඔබත් ඔබේම කාල රාමුවක හීන මවන්න ඒ හීන වලට පණ දෙන්න දවසක ඔබත් ජය ගන්නවා සත්තමයි.සමාජයට වට පිටාවට ඔබේ හීන හසුරුවන්න දෙන්න එපා ඔබම ඔබේ ජීවන නියමුවා වෙන්න ඔබ ඔබව ඔබේ හීන වලට ඔබේ කාලරාමුව තුළ රැගෙන යන්න.දවසක ඔබ ඔබවම ජය ගන්නවා නිසැකයි.
🖋️ ශ්රී පාරමි රාජපක්ෂ
No comments:
Post a Comment