ආත්ම විශ්වාසය සහා පැනසොනික්

තමන්ව විශ්වාස කරන්න.ඔබේ හැකියාවන් ඔබ විශ්වාස කරන්න.තව කෙනෙක් විශ්වාස නොකලත් ඒ විශ්වාසය කඩ නොකරන්න.දවසක ඔබව ජයග්‍රහණයට ගෙනයන්න ඔබට ඔබ ගැන තියෙන විශ්වාසය වැදගත්.ඒ වගෙම තමා ඔබේ ඉගෙනීම.කවදාවත් මොන හේතුවකටවත් ඔබේ ඉගෙනීම අතහරින්න එපා.ඒකට හොද කියමනක් තියෙනවා 

" Education is from womb to tomb".

ඒකේ තේරුම වෙන්නේ 

"අධ්‍යාපනය ඔබ පිළිසිද ගත් දවසේ ඉදන් සොහොනට යනකම්ම සිදු වෙන දෙයක්."

ඉතින් ඉගෙනීම අතහැරලා ඔබට යන්න පුලුවන් ගමන කෙටි.

එක්තරා ජපානයේ පුංචි ගමක දුප්පත් පවුලක් ජීවත් උනා.ඒතන පුංචි පිරිමි ළමයෙක් හිටියා.ඔහු අවුරුදු නවයෙදි පාසල් ගමන අතහැරියා.ඒකට හේතුව පවුලට ජීවත් වෙන්න මුදල් හොයන්න.ඔහු පුංචි කඩේක වැඩ කලා කාලයක්.

තවත් කාලෙකින් ඔහුට විදුලු බඩු සාප්පුවක සේවය කරන්න අවස්තාව හමු උනා.ඔහු මෙහේ සේවය කරන්න පටන් ගත්තාම මේ ගැන පොත පත කියවලා සහ විවිධ අත්හදා බැලීම් තුළින් ඉගෙන ගන්න පටන් ගත්තා.දවසක් ඔහු සොකට් එකක් නිර්මාණය කළා.මෙය තිබුණ සොකට් වලට වඩා දියුණු එකක්.ඔහු ආයතන ප්‍රධානියාට මෙය පෙන්නුවා.ඔහු කිව්වේ එය විකිණෙන දෙයක් නෙමෙයි කියලා.

ඒත් ඔහු දිගටම තමන්ගේ නිර්මාණය විශ්වාස කලා.ඔහු රසාව අතහැරියා.බිරිඳත් සමග තව සොකට් නිර්මාණය කර විකුණන්න උත්සහ කලා.ඔහුගේ හැම වටින භාණ්ඩයක්ම විකුණලා ඔහු ඒ නිර්මාණය විකුණන්න උත්සහ කළත් ඔහු අසමත් උනා.

ඔහු මෙය අතහරින්න තීරණය කලත් අහම්බෙන් ඔහුට ලොකු ඇනවුමක් ලැබුනා.ඔහු එය භාරගත්තා.මෙතනින් පටන් ගත්ත ගමන ඔහු නැවතුනේ ලෝකප්‍රසිද්ධ විදුලි භාණ්ඩ නිශ්පාදන ආයතනයකින්.

ඔහු Konosuke Matsushita , ලෝකප්‍රකට Panasonic ආයතනයේ නිර්මාතෘ.

ඔබට ඔබව විශ්වාසයිනම් ඔබ ඔබව ඉහළටම ගෙනයාවි.ඔබ ඉගෙනීම අත්නොහැරි කෙනෙක් නම් ඔබේ ගමන තවත් සාර්ථක වේවි.ඔබ උත්සහය අත්නොහැරි කෙනෙක්නම් ඔබ ජයග්‍රහයකයෙක් වේවි නිසැකවම.

️ ශ්‍රී පාරමි රාජපක්ෂ