Way of finding happiness

There may be times where you may feel like you are living in a lonely dark grave yard in a gloomy day , where you may only hear an owl hoot and creepy sounds. You may feel like you are trapped in a nightmare. You only feel sad, lonely, guilt without any reason. You may feel like you are abandoned from the whole world , no one is there for you. Only thing you feel is loneliness. You don't want to do anything. But this feeling is not real that's something on your mind if you want you can walk towards light. 

You can make you feel like you are living in a bright sunny daywith a blue sky, where you may feel like you are in a green grass field , you will hear happy chirping of birds, feel breeze of the wind. Your heart will be filled with joy laughter happiness positivity. Again this is your mind. 

You are the decider of your feelings not any one else. Neither God nor society is responsible for your happiness or sadness. You are responsible for your self. 

🖋️ Sri Parami Rajapaksha 

පාඩම් කරන්න ලේසි ක්‍රමයක්

බොහෝ දෙනෙක්ට ඇති ගැටලුවක් නම් කොතරම් පාඩම් කළද මතක තබා ගැනීමට අපහසු වීමයි. මේ ලිපිය එසේ මතකයෙ තබා ගැනීමට අපහසු ඔබ වෙනුවෙන් මා භාවිතා කළ ක්‍රමයකි. 

1) නිදහස් / ඔබ කැමති ස්ථානයක් තෝරා ගන්න. නිතරම පාඩම් කරන තැනින් ඉවත්ව වෙනත් නිදහස් ස්ථානයකට යන්න. 

2) පාඩමට අදාළ පොත්/ tute, කොලයක් , පෑනක් හෝ පැන්සලක්, හයිලයිටර් එකක් පමණක් රැගෙන යන්න. 

3) පොඩි වෙලාවක් හිත නිදහස් කරගන්න.මෙයට පොඩි වෙලාවක් භාවනාවක් කරන්න, සිංදුවක් අහන්න, ඔයාගේ හිත නිදහස් කරගන්න පොඩි විනාඩි 5ක දෙයක් කරන්න. 

4) දැන් පාඩම ඔබට පහසු කොටස් වලට බෙදා ගන්න. 

5) ඒ කොටස් ඔබට පාඩම් කිරීමට අවශ්‍ය අනුපිළිවලට ඒ කොලේ ලියන්න. 

6) දැන් පළවෙනිම කොටස බලන්න. 

7) දැන් හොදින් කියවා තේරුම් ගන්න.මතක තියාගන්න නෙමෙයි කියවා අවබෝධ කරගන්න.ප්‍රායෝගික උදාහරණ භාවිතා කරමින් ඒ පාඩම හොදින් අවබෝධ කරගන්න. 

8) දැන් පොත පැත්තකින් තබා ඔබට ඒ පාඩම තේරෙන සරලම විදියට අර අරන් ගිය කොලයේ ලියන්න.දැන් මඟහැරුනු හෝ සරලව ලියාගන්න අපහසු තැන් නැවත බලා තේරුම් ගන්න.නැවතත් පෙර ලෙස කොලයේ ඔබට තේරෙන සරලම විදියට ලියන්න. 

📌️ විශේෂම දෙයනම් ඔබට එය ඉතාම සරලව කියන්න පුලුවන් නම් පමණයි ඔබට එය අවබෝධ වී ඇත්තේ.සංකීර්ණ දේ සරලම ඔබේ භාෂාවෙන් කියන්න පුලුවන් නම් ඒ පාඩම ඔබට අවබෝධ වී ඇත. 

9) අහසට ,ගසකට, සතෙකුට හෝ හැකිනම් කුඩා දරුවෙකුට ඔබේ පාඩම කියා දෙන්න. එසේත් නැතිනම් ඒ පාඩම නොතේරුන කෙනෙකුට එය උගන්වන්න. නමුත් කිසිම ගුරුමුෂ්ටියක් තියාගන්නේ නැතිව.මෙය ඉතාම සරලව කියා දෙන්න.ඔබට මෙය කළ හැකිනම් ඔබට දැන් පාඩම පාඩම් වී අවසන්. 

10) අවසානයේ ඊට අදාළ ප්‍රශ්න වලට පිළිතුරු ලියන්න.අලුත් කරුණු සොයන්න.තව තව ඒ ගැන කියවන්න.youtube ආදී ඕනම සමාජ මාධ්‍යයක ඒ පිළිබඳව ඇති දැනුම සොයන්න. 

මේ තුළින් ඔබේ දැනුම වැඩිවෙනවා මෙන්ම ඒ පිළිබඳ ඇති උනන්දුව ඔබට මතකය වැඩි කරාවි. 

📌️ අනෙක් කරුණ නම් පාඩමේ එක් කොටසක් සම්පූර්ණ කළ පසු ඊළඟ කොටසට යන්න.එයත් එසේම කරන්න.

📌️ මුලු පාඩමම අවසන් කළ පසු නැවත එක් වතාවක් එය කියවා මුල සිට සරලව ලියන්න.දැන් අඩු පාඩුබලා ඒවාද කියවා අවබෝධ කරගන්න.

📌️ විභාගයක් ලං වෙන තෙක් සිට මෙය කළ නොහැකි.එම නිසා පෙර සිටම සූදානම් වන්න. 

🖊️ ශ්‍රී පාරමි රාජපක්ෂ 

MPhil in Psychology (Reading)

BA (Hons) in Psychology 

N.Dip in Counselling

හැමවෙලාවෙම මතක තියාගන්න මට මමවත් අයිති නැති ලෝකෙක තව කෙනෙක් කොහොම අයිති වෙන්නද?

ජීවිතේ අපිට විවිධාකාර බැදීම් තියෙනවා.ඒ බැදීම් සමහරවිට ජීවිත කාලෙ පුරාවටම පවතින ඒවා වෙන්න පුලුවන් නැත්තම් මඟදි බිදිලා යන බැදීම් වෙන්න පුලුවන්.කිසිම අවස්තාවක අපිට කියන්න බෑ මේ කෙනා මාත් එක්ක මුලු ජීවිත කාලයක් එකම විදියට ඉදී කියලා.ඕනම වෙලාවක ඕනම මනුස්සයෙක් වෙනස් වෙන්න පුලුවන්.ඒක තමන්ටම උනත් ආදේශ කරන්න පුලුවන්.

ඔබ උනත් ඕනම සම්බන්ධයක් ආරම්භයේදි හිටපු පුද්ගලයා නෙමෙයි ඒ සම්බන්ධතාවය ආරම්භ කරල ටික දවසක් යද්දි ඉන්න කෙනා.ඔබත් වෙනස් වෙනවා ඒක ඕනම විදියක වෙනසක් වෙන්න පුලුවන්.එක්කෝ ශාරීරික නැත්තම් මානසික.මේ ඕනම වෙනසක්.

හිතන්නකෝ ඔබ කොණ්ඩේ දිගට තිබුණ කෙනෙක්නම් ටිකක් කාලෙකින් ඔබ කොණ්ඩේ කපන්න පුලුවන්.ඒක කාලය එක්ක එක එක හේතු මත වෙන වෙනස් වීමක්.

ඉතින් මේ වගේම ඔබ වටා ඉන්න හැමෝමත් වෙනස් වෙනවා.නමුත් ආදර සම්බන්දයකදී ඔය වෙනස හුඟක් අය හයිලයිට් කරගෙන විහින් දුක් විදිනවා.හිතන්නකෝ මුලින් කෙනෙක් එක්ක සම්බන්දයක් ආරම්භ කරද්දි ඔන්න හිතේ චිත්‍රයක් මවා ගන්නවා.මම ආදරේ කරන කෙනා මෙන්න මෙහෙම කෙනෙක් වෙන්නෝනේ.ඒ චිත්‍රය ඇතුළේ ඉන්න කෙනෙක් හම්බුන ගමන්ම ඔන්න සම්බන්දය පටන් ගන්නවා.මේකේ දේවල් 100% නොගැලපුනත් අවම 80% වත් ගැලපෙනවනම් ඔන්න සම්බන්දය ආරම්භ කරනවා.දැන් මේක පවත්වාගෙන යන්නෝනේ.මම කලින්ම කිව්වනේ මිනිස්සු වෙනස් වෙනවා.එතකොට අර කලින් ඇදන් හිටපු චිත්‍රය ටික ටික අභියෝගයට ලක් වෙනවා.දැන් ප්‍රශ්නයක්.

"මම ආදරේ කරේ මෙයාට නෙමෙයි මම ආදරේ කලේ කලින් හිටපු මෙයාට."

ඔන්න දැන් ඕක මතුර මතුර දවසේම හිතේ වැඩ කරනවා.ටික දවසකින් අනික් කෙනාට ප්‍රෙෂර් කරනවා වෙනස් වෙන්න කියලා.ඔන්න සම්බන්දය රැක ගන්න ඒ කෙනා වෙනස් වෙන්න උත්සාහ කරනවා.අන්තිමට තමන්ට තමන්වත් නැති කරන් වෙනස් වෙන්න උත්සාහ කරනවා.ප්‍රශ්න රණ්ඩු අස්සේ " ආදරේ" කියන වචනෙත් එපා වෙලා අන්තිමට වෙන් වෙනවා.

ඕක හුඟක් තැන් වල වෙන සංසිද්ධියක්.

නමුත් හිතන්න ! ඔය මගේ කෙනා මෙහෙම වෙන්නෝනේ කියන චිත්‍රය බොහෝ පොදු කාරණාවක් සහා මම හිතන්නේ ඒක හැම මනසක් තුළම එහෙම ඇති.හැබැයි කෙනෙක් හොයා ගත්තට පස්සේ ඒ චිත්‍රය ඉරල විසි කරල පුච්චලාම දාන්න.මේ තමන් ඉස්සරහා ඉන්න පුද්ගලයාට ප්‍රේම කරන්න.තමන්ට තමන් නැති නොවෙන විදියට ප්‍රේම කරන්න වගේම ඒ පුද්ගලයට ඒ පුද්ගලයා නැති නොකර ප්‍රේම කරන්න.

සරලවම ඔබ දෙන්නා දෙන්නෙක් ඒක මතක තියන් ඔහු/ඇයට ඔහු/ඇයම වෙන්න ඉඩ හැර ඔබ ඔබම වී ප්‍රේම කරන්න.

ඔහු/ඇය ඔබ අතහැර වෙන කෙනෙක් ගැන හිතනවනම් ඒකට ඉඩ දෙන්න.මොකද මම කලිනුත් කිව්වා වගේම මිනිස්සු වෙනස් වෙනවා.අන්න ඒක නිසා ඕනම වෙලාවක සම්බන්දයක් බිදී යන්න පුලුවන්.ඒක වෛර කළ යුතු කාරණාවක් කර ගන්නේ නැතුව ජීවිතේ ජීවත් වෙන්න.

හැමවෙලාවෙම මතක තියාගන්න මට මමවත් අයිති නැති ලෝකෙක තව කෙනෙක් කොහොම අයිති වෙන්නද?

🖊️ ශ්‍රී පාරමි රාජපක්ෂ 

ප්‍රශ්නයක් නම් නොසැලී ඉන්න

ප්‍රශ්න කරදර ගැටලු හැමෝටම පොදු දෙයක්.ඒක ඉපදුන දවසේ ඉදන් සොහොනට යනකම්ම එහෙමම තමා. ප්‍රශ්න නැති ගැටලු නැති ඒකාකාරී ජීවිතයක හිර උන පුද්ගලයකුගේ සහ ප්‍රශ්න ගැටලු විසදන් ජීවිතේ ඉස්සරහට යන පුද්ගලයකුගේ විශල වෙනසක් තියෙනවා. ප්‍රශ්න කියන දේ අවස්තාවට සාපේක්ෂව බරපතල සහ පුද්ගලයාට සාපේක්ෂව බරපතල විය හැක.නමුත් එය පසු කාලීනව හැරී බැලූ විට එම ප්‍රශ්නය ප්‍රශ්නයක් නොවෙන බව වැටහේවි.කෙසේ නමුත් ප්‍රශ්න ගැටලු කියන්නේ තාවකාලික යමක්.ඉතින් එසේනම් එකම ප්‍රශ්නයකට තාවකාලික ප්‍රශ්නයකට මේ තරම් තැවෙන්නේ ඇයි ? ලතවෙන්නෙ ඇයි? ප්‍රශ්නයක් ආ විට ඒකෙම ඇලී ගැලී ඒ මත්තේ ගිලී මැරෙනවාට වඩා ප්‍රශ්නයක් නම් පැත්තකින් තියන්න. 

එක්තරා ගමක එක් ප්‍රඥාවන්ත මිනිසෙක් හිටියලු. දිනක් ඔහු ළඟට මිනිසුන් පිරිසක් පැමිණ තම ගැටලු ප්‍රකාශ කරන්නට උනි. නැවත නැවතත් එකම ප්‍රශ්නය කියමින් ඔවුන් තැවෙන්නට විය. 

මෙය බලා සිටි එම ප්‍රඥාවන්තයා විහිලුවක් කීවේය.සියලු දෙනා සිනාසුනෝය.නැවතත් එක විහිලුව කී විට පෙර තරම් සිනා නොවීය.නැවතත් එකම විහිලුව කී විට කිසිවෙක් සිනාසුනේ නැත. 

එකම විහිලුවට උවද ඔබ නිතර නිතර සිනාසෙන්නේ නැත.එසේනම් එකම ප්‍රශ්නයට ඔබ නැවත නැවතත් සැලෙන්නේ කිම්ද ? 

ප්‍රශ්න එනවා යනවා.නමුත් ජීවිතේ ගලාගෙන යනවා.පුඩින් එකක් උනත් රස වෙන්න නම් ඒ අතරට මුද්‍රස් පලම් , කජු වගේ දේවල් එකතු වෙන්නෝනේ.ජීවිතෙත් එහෙමමයි.ජීවිතේ රස වෙන්න නම් ප්‍රශ්න බාධා එන්නම ඕනේ.නමුත් ඔබ ජයග්‍රහණය කළා වෙන්නෙ ප්‍රශ්න මැද්දේ ජීවිතේ නොවැටී යද්දි.ප්‍රශ්නයක් ආ විට ඒ ගැනම ලත වෙනවා වෙනුවට එය පසෙකින් තබන්න.සුලු මොහොතක් විවේක ගන්න.එවිට විසදන්න ඕන ක්‍රම ඔබට මතක් වේවි.ඒ ගැනම හිත හිත ඔබේ මනස අවහිර කිරීමෙන් ඒ ප්‍රශ්නය තව තවත් වැඩි වෙනවා මිස එයින් මිදීමක් සිදු වන්නේ නැත.එම නිසා ප්‍රශ්නයක් නම් නොහිතම ඉන්න.එය කිරීමට අපසුයි නමුත් උත්සාහ ගන්න. 

ඔබට පුලුවන්  ඔබේ ගැටලුව කොලයක ලියන්න, ගසකට අහසට සතෙකුට කියන්න, ඒත් නැතිනම් විශ්වාසවන්තයකුට කියන්න, නිදහස් වෙන්න යමක් කරන්න.මේ තුළින් එක් අතකට ඔබට මොන ප්‍රශ්න ආවත් ඔබේ ජීවිතේට බාධා නොවෙන්න පුලුවන් අනික් දේ නම් ප්‍රශ්නයට පිළිතුරත් ලැබේවි. 

🖊️ ශ්‍රී පාරමි රාජපක්ෂ 

MPhil in Psychology (Reading)

BA (Hons) in Psychology 

N.Dip in Counselling