හදවතේ ලස්සන මැරෙනකම්ම ජීවත් වෙනවා

 ජීවිතේ කියන්නේ රෝස මල් යහනාවක් නෙමෙයි කරදර එනවා ප්‍රශ්න එනවා ඒ මැදින් ඒවා ජයගෙන ඉස්සරහටම යන එක තමයි ජයග්‍රහණය.

ඔයා අහලා ඇති ලෝකයෙන්ම කැතම කාන්තාව ලෙස ප්‍රසිද්ධ උන Lizzie Velasquez ගැන.ඇගේ කතාව මන් කෙටියෙන් කියන්නම් ඇය ඉපදෙන්නේ දුර්ලබ රෝගයක් එක්ක ඒ තමා neonatal progeroid syndrome කියන ජානමය ආබාධය.මේ නිසා ඇගේ රූපය සාමාන්‍ය පුද්ගලයෙක්ට වඩා වෙනස් වෙනවා.ඇය පාසලේදි සමාජයේදී පවා උසුලු විසුලු වලට ලක් වෙන්වා.දිනක් ඇය you tube එකේ දකිනවා world ugliest woman කියන title එකෙන් video එකක් තියෙනවා ඇය ඒක බලනවා ඇය දැක්ක දෙයින් ඇය පුදුම වෙනවා.ඇය දැක්කේ තමාව ඒ කියන්නේ ලෝකේ කැතම කාන්තාව ලෙස නම් කරලා තියෙන්නෙ ඇයව කියලා දකිනවා.ඇය comments කියවනවා.හැමෝම කියලා තියෙන්නේ ඉපදුන එක පවක්,ඉපදුන ගමන් මරලා දාන්න තිබුනේ වගේ හිත පසාරු කරගෙන යන comment විතරයි.ඇය අඩනවා පැය ගානක් දවස් ගානක් දුක් වෙනවා.නමුත් එක දවසකදි ඇය ඒ සියල්ල වෙනස් කරනවා ඇය දැන් ලෝකයම අභිප්‍රේරණය කරන කෙනෙක්.ඇය කියනවා අපි මේ ලෝකයට ඇවිත් ඉන්නේ හේතුවකට කියලා ඒ වගේම ඇගේ අයහපත් දුෂ්කර කාලය ඇය ලස්සන කාලයක් බවට පත් කරගෙන තිබෙනවා.

ඉතින් මම ඔබට කියන්නේ ලස්සන තියෙන්නේ හදවතේ කලු සුදු උස මහත මේ හැමදේම විනාශ වෙලා යන ලෝකෙක හදවතේ ලස්සන අපි මැරෙනකම්ම ජීවත් වෙනවා ඒක රැකගන්න මහන්සි වෙන්න බාහිර රූපය රැක ගන්න මහන්සි වෙනවා වගේම.ඔබ ඔබට ආදරය කරන්න අනුන්ට ආදරය බෙදන්න තව කෙනෙක්ගේ හිනාවකට හේතුවක් වෙන්න.ලැබිලා තියෙන රූපය ඔපමට්ටම් කරන්න අලුත් රූපයක් හදන්න යන්න එපා.තියෙන ලස්සන රැකගන්න.හැමෝම ලස්සනයි එක එක විදියට හරියට එක එක මල් එක එක පාට එක එක සුවද වගේ.ඒ පාට ඒ සුවද රැකගන්න.ගති ගුණ වලින් තව තව ලස්සන වෙන්න.මනුෂ්‍යත්වය දයාව කරුණාව ලෝකෙට දෙන්න ඔබට ඒ දේ ආපිට ලැබේවි.පුලුවන් හැම වෙලාවෙම තව කෙනෙක්ට උදව් කරන්න පෙරලා දේවල් බලාපොරොත්තු නොවී.නිහතමානී වෙන්න.මේ දේවල් ඔබව ලස්සන මනුස්සයෙක් කරාවී.

ශ්‍රී පාරමි රාජපක්ෂ